Ps3 حاليا فااااشل لهذي الاسباب

السلام عليكم..

اولا احب اوضح اني كنت من عشاق سوني الى ما قرّب وقت اطلاق البلايستيشن 3, وقتها حسيت بخيبة يوم عرفت اشياء عن الجهاز و هالخيبه و الاحباط يزيدون كل يوم, لكن طبعا الان بعد ما جربت xbox live ما عاد يهمني.

للي يفكر يشتري PS3, ما انصحه يضيع ولا ريال واحد فيه, لانه ما يستاهل نهائيا انك تشتريه الحين لهذي الاسباب:

1. مافيه العاب تستاهل تشتريه عشانها: مافيه الا يمكن لعبه او لعبتين يستاهلون.

2. نظام الـonline ما زال يحتاج اشياء كثيره عشان يصير متكامل مثل xbox live, و نظام الـHome الجديد غير عملي لاني - حسب ما قريت - اي شي تسويه لازم تسويه كانه صدق, يعني مثلا اذا بتلعب مع صديق, لازم تتقابل معه اول بنظام الـhome ثم تطلب تلعب معه, بدال ما بسهوله تختار اسمه و تطلب تلعب. (صححوني اذا غلطان).

3. المعلومه اللي استغرب كثير ما يعرفونها: يد السوني الجديده مافيها هزاز !! و احتمال انهم يرجعونه بسيييط جدا. مدري اذا يهمك هالشي او لا, لكن بالنسبه لي ما احس اني مندمج مع اللعبه الا اذا كان فيه هزاز.

4. الالعاب اللي كانت حصريه للـPS3 بدت شركاتها تخطط لاطلاقها على xbox مثل Grand Theft Auto و Mercenaries, حتى Konami جالسه تظغط على كوجيما (منتج) عشان ينزل Metal Gear Solid 4 على xbox بسبب انتشاره حاليا (راجع: http://xbox360.ign.com/articles/751/751496p1.html)

و اللي يخططون يشترون السوني عشان الكوره اقولهم انه نفس الدوري الياباني موجود على xbox و فيه ميزة الـonline بعد.

5. الالعاب اللي بتنزل على الـxbox اكثر من اللي بتنزل على PS3 لان الـxbox ارخص بكثير و يعتبر منتشر الان و راح يزيد انتشاره مع الوقت اكثر من السوني بمراحل, و مطورين الالعاب غالبا يركزون على الاجهزه المنتشره اكثر عشان يكسبون ربح اكثر في بيع اللعبه (مثل ما شفنها في الـPS2 اللي هزم الـxbox الاول مع ان xbox كان اقوى منه).

6. البودي الخارجي للجهاز يتمخش بادنى حكه, و الخدوش تبين عليه بما انه اسود, و حتى لو تمسكه بتشيله من مكان لمكان بتلقى بصمانك عليه!! يعني انسى تحطه بكيس او كرتون عشان تنقله مكان ثاني بدون ما تغلفه مظبوط (اذا كنت مهتم لشكله).

الميزتين الوحيدات الموجودات بجهاز PS3 الان هي ان اليد حساسه للحركه (يعني تقدر تعرف هل انت ماسكها عادي او تهزها او تميلها...الخ و راح تستخدم هالشي في الالعاب الجايه, لكن في رأيي هالميزه ما تشفع للمساويء الكبيره الموجوده في الجهاز) و ان نظام الاونلاين ما يحتاج تدفع له عشان تشترك فيه اشتراك كامل (زي xbox live)

لاحظوا اني مو جالس احكم على الجهاز بالفشل من الحين, ما زال المجال قدام سوني في انها تصحح المشاكل السابقه و ترجع تتصدر سوق العاب الكمبيوتر, و اتمنى صراحه يصير هالشي.

و بالتوفيق جميعا